SHARE
Miphun pakhat kan si vekin Ram, Nunphung, Hnam le Miphun duhdawttu, mi ralṭha mi rinum tam zet kan nei ve. Cui’ kan miphun sungih, Ram le Hnam duhdawttu kan pipu, u le  pawl siar cawk loin mual in rak liamsan zo hman hai seh,  Ṭhangthar nonawn pawlin an hnuzulh ih an ralṭhatnak le an rinumnak, miphun le hnam an ngainat le duhdawtnak pawl hi tansan in le theilo bangin kan umsan men thei ding maw si?


Tui’ṭum ah kan Chin (a hleice in Falam) mi lak ihsin kan pupa le u le pawl hmai rak hruaitu kan mi rinum le mifim pawlhi a cawisan le upat ih sunlawih hna hi kan thiam a ṭha in a mawi a si tiih ka ruah ruangah hi cahram hi ka ngannaksan a si. An hmin ka ngan thluh thei lo ding ruangah ka ngan lo mei ding.


Mifim le miralṭha, miphun le ram hrangih thih ngam ṭiaṭia pacangṭha kan neihmi pawl, 8-8-88 rambuai laiih kan ram rak suahsantu a tu ih a damlaimi pawl tla hi kan nih ṭhangthar nonawn pawlin sunlawih le miphun le ram an rak duhdawt zia le a takih an rak ṭuanzia hi a cawnhna tla kan thiam pei uh.


Kan kiang le kap siseh kan zohṭhim bik asimi Mirang pawlin siseh ram hrangih nunnak tiang rak liamtu, miphun le ram duhdawt le ṭan tuk ruangih mai’ ram hmanih um theilotu pawl khi ziangtlukin an upat ih an cawisang in an sunlawih? Tui’sun ni ah kan nih kan Falam mi hin teh , tuihlan ih kan pupa le u le pawl miphun duhdawt ruangih nunnak rak liamtu le kan ram rak suahsantu pawl sunlawih le upat ih cawisan hna hi kan thiam ding a thupi zet.  

LEAVE A REPLY

Please enter your comment!
Please enter your name here