SHARE
September 19, 1919 kum ah Falam peng Lumte khua ah a suak. Zirnak lamah, Rangoon, State College ihsin Intermediate Science cu     1938 - 1940 kum ah a rak awng. December 20, 1949 ah University Of Lucknow ah sibawi thiamnak M.B.B.S degree a ngah.


Chinmi lakih sibawi degree ngah hmaisabik le Chinmi lakih sibawi hmaisabik a si. 1951 kum ah Edinburgh University ah Surgery Specialist zir dingin rampi acozah in a thlah. Cui san laiah Edinburgh University cu leitlun ih surgery zirnak University tlawng sangbik a rak si. R. Ni Khuai cu 1955 kum ah F.R.C.S (Fellow of the Royal College of Surgery) degree cu ‘A’ class rori in a rak awng.


Burmaram pumpihuap sungah F.R.C.S    degree ngah theitu hmaisabik apahnihnak rori a rak si. R. Ni Khuai cu Falam sizungih a `uan hnu 1975 ah Falam sizung cu Specialist Hospital tiah a hmin le a sinak an `han. R. Ni Khuai, Falam sizung thlen hnu 195 ah ihkhun 75 sizung ah an `han.


Cui’sin awrpaw le natnak dangdang rai ṭulmi hmuah an rak rai vivo. Cui’ sanlai ah cun Chinmipawl an rak damlo tikah an thinlungih rak ummi cu Falam sizung thlen thei ah cun an dam ding tiin an rak ruat. Ram le miphun duhdawtnak thawn Falam sizungpi ih sibawi a `uan rero lai cu, mi`halo pawlih heeknak ruangah Falam sizungpi cu suahsan in December 25, 1969 ah Mandalay sizungpi ah hna`uan a sunzawm.


R. Ni Khuai cu a suahnak Lumte khua ih Pathian awi hmaisabik a si.  May 08, 2003 ah hi lei a nunnak le taksa tanta in Pathian hnenah a cawl.  

LEAVE A REPLY

Please enter your comment!
Please enter your name here