SHARE
Pu Con Bik cu, kum 1834 hrawngah Tlaisun ah a suak. Mi raltha maksak Mirang ralkap hriamhrei ṭha zetzet hmai khalih zam lo a si. A diklo le a duhlonak ah Mirang ralbawi thu hman `ih loih el ngamtu a rak si. Mirang ralbawi Captain Raikes khalin lawmman a rak pek reromi a si.


Mirangpawl in do har an rak ti zetmi khal an si. Fimthiamnak lam khal thupi zetin ruattu a si. Falam khawpi ah Cazirnak Tlawng um dingih rak tawlreltu khal a si.


Chinram Pathian awi hmaisabik Pu Pau Suan Pu Pau Suan cu, kum 1878 hrawngah Khuasak khua ah a suak. July 10, 1904 ah Pathian a awi. Saya Shwe Zan ih thuthang`ha simnak in 1904 ah Pathian nung a awi. Chinmi lakih Pathian awi hmaisabik a si. February 1, 1906 ah Dr. East in Pu Thuam Hang le a nupi le midang mi pasarihpawl thawn tipilnak a pe.


Chinram Pathian awi hmaisabik Rev. Thuam Hang Rev. Thuam Hang hi Chinmi ih Pathian zumhmaisabik a si ve. Kum 1870 ah Khuasak khua ah a suak. Rev. Thuam Hang cu Saya Shwe Zan ih thuthang`ha simnak in July 25, 1904 ah Pathian a awi ih Pu Pau Suan le thawn tipilnak a co ve.


Pu Cong Kham Pu Cong Kham cu August 15, 1875 kum ah Bualkhua ah a suak. Kum 1907 ah Rev. Dr. E. H. East le Thang Tsin cu Bualkhua ah thuthangṭha simnak an nei ih cui' Dr. E. H. East ih Pathian thuthangṭha simmi cu pawm in a rak zum ta riai. Cutin Bualkhua Pathian awi hmaisabik a rak si ih, Falam      pengah Pathian awi hmaisabik apahnihnak a rak si. Pu Cong Kham cu Dr. East le Thang Tsin hnenah Pathian awi cazin a pe nan, rinhlelnak an nei deuh lai. Ziangahtile Pu Cong Kham cu Bualkhua ih an puithiam sang a si ruangah cuti mei ih Pathian a awi mei ding cu an zum lo.


Pu Cong Kham cu khawsia, khuavang biaknak ih puithiam sang si hman seh Pathian nung awi in a nun a thleng. An khawpi pawlin thuhla phunphun in an lem rero nan, Pu Cong Kham cun a pawm ih a co ngahmi Pathian nung cu thlah nawn loin a kaihnget lanta.  

LEAVE A REPLY

Please enter your comment!
Please enter your name here