SHARE
Kawlram President Thein Sein le Democracy Leader,rampi palai Daw Aung San Suu Kyi cu April ni 11 zing nazi 11 ah khan Naypyidaw ah avawihnihnak an tawngaw sal ti thu dawn a si.


An tawnawk sung cu zing nazi 11 ihsin 12 le minute 30 tiang an rei ih hruaitu pahnih cu an mahte fianhrial ah thuhla reltlang an si.


Daw Aung San Suu Kyi cun President Thein Sein thawi kan tawnawk ih thuhla reltlang nak kan neih hi a tha a si tin a sim.Lehlang ih khualtlawng a si bangin Rangoon ah a kir sal ih Airport a thlen in Media pawl hnen ih a sim mi a si.Asinan, an tawnawknak ih thuhla le thuthup deuh pawl cu a sim thei hai lo.


President Thein Sein le Daw Aung San Suu Kyi hi, August 19,2011 ah khan avawikhatnak tawnawknak an rak nei.Cui’ an tawnawknak ih umzia cu Kawlram politic thawn a thupi mi thuanthu hminsinnak pakhat a si ih rampi thansonak dingih thuk zetih kekar theinak ding lamzin pakhat a si thu cu politic zingzawitu pawlin an hmang.


April 1 karlak hrilawknak ah khan Daw Aung San Suu Kyi cun za ah za (100%) deuh thaw in nehnak a co ih Shan Democratic Party pawl le Chiankhaizii Party pawl in pakhat veve in nehnak an rak co.


Karlak hrilawknak ih nehnak co palai pawl le acozah palai pawl karlak ah zawi hruaikainak ha kan thlun deuh ding timi thuhla pawl an rel a si tin Daw Aung San Suu Kyi kilkhawitu ih tuanvo neitu U Khun Ta Myint cun a sim.


Australia awsuahnak zung (ABC) cun himi an tawnawknak ih an relkhawm mi pawl langhngan in phuang lo hman sehla Daw Aung San Suu Kyi cun tui acozah dinhmun ah cun Vuangyi dinhmun a cohlang ding siloin thurawn mi dinhmun sawn cohlang le ruat ve thei dinhmun a si tin a sim.  

LEAVE A REPLY

Please enter your comment!
Please enter your name here