SHARE


Kangchenjunga


Kangchenjunga tlang hi India le Nepal ramri ih ummi tlangsangzet asiih asanlam cu 8,586metres (28,169 ft) in a sang. May 25, 1955 kum ah George Band le Joe Brown cu himi tlangparah an rak kai ih Kangchenjunga tlangpar kai hmaisabiktu an rak si. Hi tlang hi leitlun ih tlangsangbik        apathumnak a tling ban a si. Lhotse


Lhotse tlang hi Tibet (China) le Nepal ram`hen Khumbu ramri ih ummi tlangsangzet pakhat a si. Asanlam cu 8,516metres (27,940 ft) asiih leitlun ih tlangsangbik apalinak a tling ban a si. Ernst Reiss le Fritz Luchsinger tei’ pahnih hi tlangpar kaitu hmaisabik an si. May 18, 1956 kum ah an rak kai.


Makalu Makalu tlang cu Nepal le China ramri ih um tlangsangzet asiih May 15, 1955 kum ah Lionel Terray le Jean Couzy tei’ pahnih cu hi tlangsangzet parih kai hmaisabik an rak si. Makalu tlang hi asanlam 8,481metres (27,766 ft) in a sang ih Leitlun ih tlangsangbik apangatnak a tling ban a si. Cho Oyu


Cho Oyu tlang hi Leitlun ih tlangsangbik aparuknak a si ih asanlam 8,201metres (26,906 ft) in a sang. A umnak hi Nepal le Tibet (China) ramri ih ummi tlangsangzet a si. October 19, 1954 ah khan ahmaisabik an rak kaiih a kaitu pawl cu Pasang Dawa Lama, Herbert Tichy le Joseph Jochler an si. Dhaulagiri I


Dhaulagiri I hi cu leitlun ih tlangsangbik apasarihnak a si. Asanlam 8,167metres (26,795 ft) asiih Nepal ram ih um a si. May 13, 1960 ah Kurt Diemberger, A. Schelbert, E. Forrer, Nawang Dorje le Nyima Dorje te pawl an rak kai ih himi tlangpar kai hmaisabiktu an rak si. Ziangtluk asang, ziangvek asi timi tah hmaisabiktu cu Kukuchzka le Andrzei Czok an si. Manaslu


Manaslu tlang cu Nepal ramih ummi tlang tamzet lakih tlangsangzet pakhat a si ve ih asanlam cu 8,156metres (26, 759 ft) a si. May 9, 1956 kum ah Japan pawlih an thlahmi zingzawitu Gyalzen Norbu, Artur Hajzer le Toshio Imanishi te pawl an rak kai ih an nih hi Manaslu tlangpar kai hmaisabiktu an rak si. Manaslu cu leitlun ih tlangsangbik apariatnak a si. Nanga Parbat


Nanga Parbat tlang hi Pakistan ram ih ummi tlangsangzet pakhat asiih July 3, 1953 kum ah Hermann Buhl timipa a rak kai ih himi tlangpar kaitu hmaisabik a rak si. Nanga Parbat tlangih asanlam cu 8,126metres (26,660 ft) si in leitlun ih tlangsangbik apakuanak a tling ban a si. Annapurna I


Annapurna I tlang hi Nepal ram ih ummi tlangsangzet pakhat asi thotho ih asanlam cu 8,091metres (26,545 ft) a si. Hi tlang ahmaisabik rak kaitu pawl cu Jacques Oudot, Gaston Rébuffat, Marcel Schatz, te pawl an rak siih June 3, 1950 kum ah a si. Annapurna I cu Leitlun ih tlangsangbik apahranak a tlingban a si.  

LEAVE A REPLY

Please enter your comment!
Please enter your name here