SHARE
December 6 ah khan Muskura Bibi, kum 23 mi cun Kolkata ih Chittaranjan Deva Sadan Hospital ah vanduai thlak zetin danglam zetih naute piangsual a nei. Nazi 4 sung nungdamten a um hnu ah a thi sal. Hi naute hi vanduai thlak zetin mermaid syndrome (ေရသူမ) natnak a rak nei kherkher, a nulepa cun naute duhum zet nei dingih an ruahawk lai ah hivek ih piangsual zet naute an nei ta mei cu zum banlo mi thil a si.


Naute nulepa hi reithei zawnzai te an si ih a nu hi nau a pai lai ah sizung/sikhan lam khal piahaw thei loin khawsa mi an si. A nu in a pum sung a um lai ah ziangvek dinhmun a si ti khal theilo in a um hnu ah naute a hung suak tikah piangsual nasa tak a si ti a thei fang.


Nauhak specialist sibawi Dr. Sudip Saha cun “A nulepa hi sumpai an harsat ruangah sizung/sikhan lam ah tuamhlawm le enkawlawk in an zoh thei lo. Nutrition tlaksamnak le thisen haidaih zetin a dawn thatlo ruangah hivekih piansualnak ra suak thei mi a si” tiah a ti.


Sirenomelia anti mi le mermaid (ေရသူမ) syndrome natnak an timi pawl khal hi natnak cikhat ruangah a si. Ke pahnih erh-aw asilole a hrek khat an erh-aw tivekin an si theu. Nuate 60,000 – 100,000 suak lakah pakhat hrawng cu hivek natnak nei hi an tel phah theu. Ril le Kaileng lam thangcak lo an si deuh ih an suak thlak ah cuap le lung thatlo ruangah an thi theu.


Kum 2016 ah khan Uttar Pradesh state ih nupinu pakhat in hivek naute piangsual hi a rak nei ve dah ih cui’ naute cu minute 10 lawng a dam man.


Cui’ thu cu Daily Mail thuthang cun Facebook Page ah “It died just four hours later” tiin a title a ngan. Hi naute relnak ah minung relnak silomi “It” timi tawngfang (“It died just four hours later”) a hman ruangah nasa takin an dem ih an cam an riam nasa. Source: National Organization for Rare Disorders  

LEAVE A REPLY

Please enter your comment!
Please enter your name here