SHARE
SEOUL: South Korea ih mipa band (boybands) lakih top a si mi SHINee band ih an hlasak hminthang cu mizansun (Dec. 18, 2017) ah amah le mah a that-aw tiah police pawlin an sim.


KIM Jong-Hyun, kum 27, hlasak thiam hminthang cu Seoul ih hotel pakhat ah a u nu (older sister) hnen ah amah le mah a thahawk tum thu message vei tamzet a kuat hnu ah zianghman thei-aw nawnlo in police pawlin an sar/hmu.



Message a kuat mi cu “Hihi netabik ka lo cibai/mangtha nak a si. Ziangkim hi a harsa tuk aw, zangfahten ka feh ko pei ih thiltha ka tuah ta tiah run sim/rel aw” tiah a u nu ca a kuat hnu ah a u nu cun emergency a ko.


Kim Jong-Hyun cu sizung ah fehpi cih a si ih, sizung an thlenpi hnu reilote ah a thi. Room sungih meihawl vam in a bawngbi a kang rero lai khal an hmuh thu police cun an sim.


South Korea nunphung/dan ah meihawl kangter timi cu mah le mah that-aw timi hmuhsaknak cikhat a si ih leitlun ih mah le mah thahawknak ih sangbik dinhmun a si.



SHINee group hi minung panga an si ih, 2008 ihsin Asia ram ah K-pop cangvaihnak ih titha bik le thiambik an rak si.


Kim Jong-Hyun hin 2015 ah a hmaisabik Solo Album a rak suah ih cumi cun leitlun ih number one Billboard World Albums a rak thleng bang a si. Kan dung kar sungte ah khan Seoul khawpi ih solo concert pawlah hla a sak rero.


 

LEAVE A REPLY

Please enter your comment!
Please enter your name here