SHARE

Kum 24-a upa nula pakhat chu Hyderabad kiangah tunhma-a a hnathawhpui pakhat in petrol nen hal in damdawi inn ah a thi.

Secunderabad, company pakhat-a receptionist hnathawk mek Sandhya Rani chu a hnathawhna a tangin ahaw na, tlai lam dar 6:45pm vel, kawng ah tlangval pakhat Sai Kartik chuan motorbike nen um in amah nen in be turin a ti dinga. Tlangvalpa hi tunhma a hnathawhpui a nia, nula hi a ngaizawng bawk.

Kartik, kum 25 mi, hian nula hian engvanga pasal tura duhlo nge a nih ti hriat tumin thu a zawta. An tawngkam a sang zele, an in hnial, Kartika hian a hnunglam-a a thuhruk petrol chu la chuakin Sandhyai chungah chuan a theha, tin nawhalh in mei a ti nunga, nula chu a hal ta mai a ni. Tumah hmutu an awm hlan in motorbike nen a tlanchuak nghal.

Nula Sandhya chu tumah puitu awmlohna hmun ah na tuar-in na takin a hruma, mahse nakina a taksa pum 60 percent a kang hnu ah chauh an hmu.

Hospital ah kalpui nghalh a nia, mahse a kangna hi a natsat lutuk vangin damdawi inn ah a thi.

Sandya hi nula nonal leh thil thiam tak, virvat tha tak a ni. Tlangvalpa hian in nei tur-a a tih chu a duhlo vangin he tianga a halhna a ni. Tiin police officer Sumathy chuan NDTV hnen ah a sawi.

Sandhya hnathawhna boss pa pawhin phone nen bia in, tlangval Kartik chu Sandhya tibuai tawhlo turin a ngen sak.

Kartika hi nikum a tang tawh khan hna nei loin a awm baka zu a in nasa a, nula hi a hnathawhna a tanga banga in nei turin a ti lui thin, tiin police chuan a sawi.

Kartik chu tualthat a nih bakah anmahni hnam dan angina hremna lian tawktak tuar turin a chung thu rel sak a ni.

LEAVE A REPLY

Please enter your comment!
Please enter your name here