SHARE
Spain ram a jail tang pakhat chu doctor pathum ten  athi tawh an tih hnu ah kuang chhung ah an dah a, mahse he mitthi hi a rawn tho chhuak leh ani.  He thil hi engvang ber nge tih hriat chian ala ni hrih lo.


Pathianni (1/7/2018) ni khan Gonzolo Montoya Jimenez tih hmingpu kum 29 a upa tan in kil ah thi a hmuh ani a, zinglam dar 8AM vela thi ni in an ring, tiin Spanish tawng a chanchhinbu chhuah LA Voz de ASTURIAS chuan atanglang.


Mitthi ruang hi mithi dahna a an thawn hma in doctor pathum ten an enchian hnu in thi ngei a ngaih ani, tiin BBC chuan atarlang.


Montoya Jimenez hi a thi ti a doctor ten an sawi hnu darkar li (4)  hnu a rawn nung leh ani, tun ah  damdawiin ah enkawl mek ani a. Ngaihtuahawm tak nilo mahse athluak lam in oxygen  tlakchham avangin rei adaih dawn leh dawn loh erawh chiang tak a hriat theih ala ni hrih lo, tiin La Voz de Asturias chanchin chu chuan a tarlang.


He tang Montoya Jimenez hi athih dan leh , engvang a hetia rawn nung leh thei mai nge anih  tih hriatthiam har an ti hle. A hriselna lam en fiah na ah amah hi Phungzawl (thil eng emaw  thut avang a nikhaw hrelo a tlu thut)  natna vei  anih an ring.


He thil thleng ang hi kum 2014 khan Liberia ram a Ebola natna lo awm tawh nen a in ang/thu hmun niin an sawi. Ebola natna avanga thi pakhat pawh aruang mitthi phur motor (truck) chhung a an dah hnu ah  alo nung leh ani, Tiin Newsweek chuan alo tarlang tawh bawk ani.


 

LEAVE A REPLY

Please enter your comment!
Please enter your name here