SHARE
Ni ruk chung indopui  (6 day war) June War  tih pawh  a an sawi 1967  a thleng kha ni in tun ah chuan kum 50 ani ve ta. Ni ruk chhung indo chu Israel ram kha achhehvel ram 13 (Egypt, Syria, Jordan, Iraq, Labanon, Algeria, Kuwait, Libia, Morocco, Pakistan, PLO-Palestine Liberation Organization, Sudan, Tunisia) ho nen  a niruk chhung an in do na kha a ni a, Hemi tum a Davida leh Goliatha ang mai a mak leh danglam Pathian thiltih theihna in Israel in hnehna a chang ani.



June 5, 1967 ah Israel chuan rin loh deuh in achhehvel a ram te chu akap a, chu tiang a indopui hi thleng ani. Israel chuan Gaza tuipui kam Sinai tlang, Jordan hnunglam tuipui kam te, Jerusalem hma lam ram Egypt a Golan tlang te chu ala vek a. Mi thenkhat te chuan Israel he indo  a tih chhuah na chan chu ralbuai duh indo duh vang  hrimhrima chhuak ani tiin hmuhdan hranghrang a adarh nasa hle.


Nimahsela he indopui hi lungngaihna nasa tak leh chhiatna nasa tak ani. Tumah in ral an duhlo a indo pawh an peih lemlo, mahse rin loh tak in he indo hi chhuak thutin khawvel pum hriat khawp alo ni ta ani. He indopui thleng tur a  ameizang hlap tu taktak chu  Egypt president Nasser  ani a aruahmanna taktak chu  America sawrkar chu  athuhnuai a dah theih ain beisei vang ani. America sawrkar sum leh pai ei leh in tanpuina  avang a  dam leh khawsa ve thei  Soviet Union chu a lo chak  deuh tak ah chuan America chu thian ang a en tawh loin an inzawm na a tihchhiat sak. Chutiang vang chuan America chuan Egypt a tanpuina zawngzawng chu ati tawp vek. Ram chhung ei tur takngial pawh America tharchhuah a in nghat Egypt ram chu ei in tur thleng a harsatna a thlen nasat em em ani.  Chuvang a lungawilo leh America er na leh US a athian tha a bul hnai ber leh ahma atang a a lo hmelmak tawh Israel chu a hmang tangkai ani ber.



He hun hi Burma rama mi langsar U Thant an UN a General  Secretary  nih na achelh lai ni in U Thant an Egypt leh Israel  ramri, Sinai thlaler a  UN in rem na tur atan a sipai awm te chu awm tawhlo turin atir.  Chu mi hnu ah chu hmun ah chuan Egypt ho a aiawh tur in an dah.  Israel ho tu chuan duh lo hle mahse an thu sawi chu ngaihsak ahlawh lo hle. Chutiang a Nasser chu sipai chak tak ang a a in ngaih avangin May 16 ah Israel ramri Sinai Peninsula ah a sipai te adah tan, May 19 ah Gaza leh Sinai a UNEF chu a uma, Tiran Luikulh chu a enthla reng ani. May 23 1967 ah Israel te nuna bulpui tih thei Tiran - tuipuikulh (straits of tiran) Sinai leh Peninsulas kar a awm chu an pin sak. Chu chuan Nasser chu mi huaisen tak ah a chan tir mahse Israel tan chuan thutlukna siam harsa tak ah a chan tir ve thung ani.


He thil avang hian Israel chuan he mi min pin sak tho tho si chuan ral in mun, indo na in tan ani ti in kan ngai ang tia puang in thu athehdarh nghal bawk. Nimahsela US emaw khawvel ram dang ten Egypt thil siam chung ah hmalakna an neih loh avang in Israel chu amah a a din chhuaha a in rinchhan angai ta. Tiin June ah Israel chuan 'National Unity Government' tih chu din in 4 June ah ral rel atan.


Israel ram zimte chu ram 13 ten chimih thak tum in an kah rawn.



Mak tak mai pakhat chu Chin- mi ang in Israel chu chutiang khawp a ram dang nen a an buai lai chuan an mah ni leh an mah ni ram  thukhel lam ah buaina achhuak nasa hle. Atawp ber ah chuan Israel mipui ten a chhet an chhuah na vangin 1956 ah Israel sipai tha leh hotu ber (defense minister) ah Moshe Dayan a tling. Moshe Dayan hi mit lehlam chhia ni in a mit leh lam atuam reng thin. A duhlo tu tam tak awm in sawisel vak mah se  mipui leh Israel ram tan a beihna leh thahnem ngaihna thinlung chu 1967 ah chiang tak a langin  ni ruk chhung indopui ah israel hnehna a chan theihna a mi pawimawh ber pakhat ani bawk ani.


  Ni ruk indopui (6 day war) lai a Israel ram hruaitu leh hotu te : Levi Eshkol, Moshe Dayan, Yitzhak Rabin, Uzi Narkiss, Motta Gur, Israel Tal, Mordechai Hod, Yeshayahu Gavish, Ariel Sharon, Ezer Weizman, Shlomo Erell leh David Elazar te an ni. Israel  dotu ram 13  atanga an hruaitu te chu : Gamal Abdel Nasser, Abdel Hakim Amer, Abdul Munim Riad, Hussein, Zaid ibn Shaker, Asad Ghanma, Salah Jadid, Nureddin al-Atassi, Abdul Rahman Arif, Mubarak Abdullah Al-Jaber Al-Sabah, Saleh Mohammed Al Sabah, leh Fahad Al-Ahmed Al-Jaber Al-Sabah te an ni.



He tih hun lai hian Israel hi raldo tanks 800 chauh an neih lai in. Ado tu ram 13 te chuan tanks 2504 an nei thung.  Raldo thlawhna (fighter) 300 an neih laiin ado tu lam chuan fighter 957 an nei bawk. Sipai nuaikhat 100000 an neih laiin. Ado tu lam ve thung chuan nuai nga singli sang sarih 547000 an nei bawk.


  He tiang khawp hian in thlau mahsela hnehna chu Israel in achang tho. Davida chu Davida ani a, Goliatha chu Goliatha ala ni reng tho. He "ni ruk indopui" chhung hian Israel sipai 776 - 983 vel in nunna an chan a, 4517 in hliam an tuar . Mi 15 te erawh man an ni. Raldo na tanks 400 chhia in thlawhna 46 achhe bawk.


Egypt a tang in 10000 - 15000 athi anihloleh chinchang hriat lovin an bo, 4338 chu man an ni a,  Jordan atang in mi 600 an thi a 533 man an ni bawk. Syria a tangin 2500 an thi a 591 man an ni.  Iraq atang in 10 an thi a 30 in hliam an tuar. Lebanon thlawhna 1 achhia a, Ram 13 in belhkhawm chuan raldo na tanks tam tak chhia in thlawhna 452 chuang achhe bawk.  Sipai nilo Israel mipui 20 an thi a US Navy sailors 34 an thi bawk.



  Tun ah chuan Israel hming sawi apiang a thlaphang nghal mai chu Arab ram ho hi an ni ber tawh.  Israel in an ralthuam pawimawh ber chu an fighter thlawhna hi niin America F-16, F- 15 raldo thlawhna kha an rem belh ani. Chuvang chuan F-16, F -15 thlawhna nei khawvel ram hranghrang ah Israel ang tu mah an awmlo. Ralthuam zawng a an tluk pawh in an hman hnehsawh dan (tactics) lam ah chuan a chungnung in Arab ram lak ah Israel chu sakeibaknei lalpa ala ni reng tho.


  Ziaktu - Ting Hlei Thang (https://tinghleithang.blogspot.my/2018/01/ni-ruk-ralpi-6-day-war-thu-asilole.html)


(Ref: New World, Thutazone, Wikipedia, Straits of Tiran – Wikipedia, Six-day War Wikipedia)


50 Anniversary of the 1967 war  

LEAVE A REPLY

Please enter your comment!
Please enter your name here