SHARE
Rihkhawdar Khawpui khelmual chu Chin State chhunga khelmual tha ber ni turin mimal tlawmngaite zarah JCB nen beihpui thlaka siam mek a ni.



Beiseina anga an siam fel thei a nih chuan Chin state chhunga khelmual tha ber leh lian ber, Football bikah pawh International level leh Volleyball leh Tennis court thlengin sports chi hrang hrang khelh theihna khawpui a ni ang.



Rihdil kama Rihkhawdar khawpui khi Rihkhawdar village atangin 1984 kuma din tan a ni a, Khaw thar an din tak avangin an lo awm tawhna khua chu Rih khawhlui (Old Rihkhawdar) tih a ni ta a, he Old Rihkgawdar hi Khawthlir atang din niin, an din hlim hian Rihkhawdar tih mai a ni a, khaw thar an din vanga an identification card (Hmatpungtin) thlenga Old Rihkhawdar tia an ziak erawh, chunglam roreltute hian an ti diklo a nih a rinawm. Rihkhawdar-in an khaw hming an thlak tih thu hi titi leh News ah chhiar tur awm si lovin a khaw neitute hmatpungtin ah Rihkhawdar tih mai ni lovin Old- tih a tel.



Chin state chhunga khaw tamtak zingah New Rihkhawdar khawpui hi Bible leh tawngtaina nen khaw din awm chhun a nih hial a rinawm a, an khaw din hlima an bible chang refer pawh 2 Korin 3:17 “Thlarau Thianghlim awmna apiangah Zalenna a awm thin” tih a ni.


 

LEAVE A REPLY

Please enter your comment!
Please enter your name here