SHARE
Chinese pa pakhat chuan afanu piang hlim, apian atang a darkar hnih hnuah bawlhlawhbawm ah apaih a, hetiang thil rapthlak tak atih avangin man ani.


Yunnan province a Xuanwei police hnen atanga CCTV record screenshot chu January 17, 2018 ah pholan ani a, he CCTV record ah hian pa pakhat kawrsen ha in bag var tereuhte khaia bawlhlawh paihna a akal leh alet leh lam ani.



CCTV record pakhat zawk ah chuan, kum upa lam pang tawh Samari mitha pa in bawlhhlawh bawm atang a naupiang hlim alak chhuah lai mipui in an en lai vel thlalak ani.


  Police te sawi dan chuan  mi pakhat ahming Li leh abialnu Lai tih hmingpu te pahnih chuan an fanu hi ataksa ah rawngdanglam  tak (purple colour) bawkbawn rawng a neih avang in adam chhuah theih an ring lo a, damdawi in lam  kalpui ai chuan hetianga kalliam tir mai hi an thlang zawk ani, tiin an sawi.



Li-a bialnu Lai-i hian anaupai chu thla riat ni tawh in damdawiin lam kal atum mek lai in, nau hi vei thut in an mah ni chenna in ah ahring nghal a. Darkar hnih hnu ah chuan naute taksa ah chuan (purple colour) bawkbawn rawng hi an lang chhuak a. Damkhawchhuah theih an rin loh avang in Li-a (apasal) chuan towel in naute hi tuam in bag chhung ah adah a chuti chuan bawlhhlawh bawm ah apaih ta ani.


  Bawlhhlawh bawm a apaih hnu Samari mitha pan hmu in ala chhuak a, alak chhuah hnu in damdawi in a kalpui a checkup nghal ni in he naute hian damloh na leh hrisel loh na aneilo tih hmuhchhuah ani a, naute hi Xuanwei Children Welfare Office ah thawn ani.



Li leh Lai te pahnih hi an chendun na kum hnih ni tawh mahse an la in neilo. Anupui hi anaupai lai chhung zawng khan vawikhat mah in checkup a nei lo, tiin police te chuan an sawi.


  Communist dan ah chhungkaw pakhatin nau pakhat chauh neih tur tih dan asiam hnu hian, nau tih tlak (naupiang hlim paih) China ram ah thubuai tam ber te zing a mi ani. Abik tak in hmeihchhia hi paih an ni tlangpui "paih " an nih loh pawn "kalsan"  anih loh leh "thah"  he mi pathum hi  thil thleng tam ber te zinga mi ani.


  Li (naute pa) chu tun ah chuan police ten kawl hrih in, Lai (naute nu) chu bail chhuah hrih ani.


 

LEAVE A REPLY

Please enter your comment!
Please enter your name here